Protesta e opozitës përpara kryeministrisë është futur sot në ditën e tretë të saj. Ndërkohë që pritet që ajo të përshkallëzohet në rast se nuk do të ketë një reafim nga kryeministri Rama.
Kreu i grupit parlamentar, Edi Paloka, duke folur për Ora News nga çadra para Kryeministrisë tha se do të përdoren të gjitha format për rrëzimin e kësaj qeverie.
“Zgjedhje në 18 qershor me Edi Ramën Kryeministër nuk do të ketë” tha ai.
‘’Kjo çadër është vetëm simboli i protestës sepse protesta e vërtetë, pjesmarrja e ditës së parë të protestës tregoi se shumica e shqiptarëve i janë bashkuar kësaj proteste që është e gjithë qytetarëve. Kërkesa për zgjedhje të lira dhe të ndershme nuk do kishte asnjë obsion tjetër përveç mbështetjes nga të gjthë.
I vetmi që nuk e mbështet është Edi Rama dhe një pjesë e mazhorancës.Jemi në ditët e para të protestës, kemi paraqitur kërkesën tonë për zgjidhje, do kërkojmë deri në fund që të realizohet. Kërkesa është vetëm një, largimi i Edi Ramës, nuk ka asnjë obsion tjetër. Kushtet tona për të krijuar kuadrin ligjor që zgjedhjet të konsiderohen të paktën të besueshme u refuzuan.
Nëse zotëria do bëjë indiferentin dhe arrogantin dhe protesta do të ketë përshkallëzim të saj. Të gjitha format për largimin e kësaj qeverie. Shqipëria me 18 qershor me Edi Ramën Kryeministër nuk do ketë zgjedhje’’, ka deklaruar Paloka. (E.K/SHUPLAKA)
Discussion about this post