Skenografi Bashkim Zahaj, i ftuar në Fax News për të diskutuar mbi çështjen e Teatrit Kombëtar u shpreh se nuk duhet të prishet, pasi është me të vertët për të ardhur keq që të ngrihemi për të mbrojtur atë që është ndër shekuj e mbrojtur.
Gjithashtu Zahaj u shpreh se sot intelektualët dhe profesionistët janë të ngjyrosur dhe veprojnë sipas urdhërave të shefit.
“Është i rëndësishëm problemi juridik i kësaj çështje. Nëse do të bashkoheshim me propozimin që është bërë, të gjithë këtë sipërfaqe, hajt ta bëjmë për artin dhe kulturën. Nëse do të dali ky propozim, askush nuk do ta pranojë nga qeveria apo bashkia sepse ju ikën nga dora tepsia që ato kanë. Nëse ju qan dora na ndërtoni të gjithë sipërfaqe për artin dhe kulturën. Nuk është kështu pasi në këtë sipërfaqe abuzohet.
Sot intelektualët dhe profesionistët janë të ngjyrosur. Kjo do të thotë se pushtetin e marrin profesionistë të ngjyrosur. Përderisa ai është i ngjyrosur, bën atë se cfarë do ti thotë shefi. Ai nuk flet me shkollë, flet me rrogën dhe vendin e punës.
Është me të vertëtë për të ardhur keq që të ngrihemi për të mbrojtur atë që është ndër shekuj e mbrojtur. Nuk duhet të ndalësh sot dhe të arsyetosh pse do të mbrojmë ‘Klanë e Krujës’, apo ‘Lidhjen e Prizrenit’. Padiskutim që Teatri nuk duhet të shembet. Këtë e kuptojnë dhe këta që duan ta shkatërrojnë. Kam qenë po kaq i shqetësuar kur donin që të prishnin Piramidën, apo kur ngritën një bunkier i cili është ‘non sence’ pasi është arftificial. Këto bëhën ‘non sence’, pasi nuk ka specialist.”
Ndërkohë që për sa i përket prezantimit të projektit të ri për Teatrin, Zahaj u shpreh se ishte një shfaqje e dalë boje, pasi doli që projekti ishte i vjedhur.
“Ishte një shfaqje e dalë boje ajo e prezantimit të projektit të ri i cili doli që ishte i vjedhur. Ky ekip në bashki, apo kryeministri, si nuk i thanë atyre që kjo është kopje?! Të isha unë do ndihmoja, por jo doli sepse janë injorantë dhe nuk kanë profesionistë aty rrotull.”
(M.Q/Faxweb)
Discussion about this post