Policia e Elbasanit ka nisur të marrë në pyrtje disa nga protestuesit që morën pjesë në protestën e opozitës. Kjo gjë ka revoltuar demokratët pasi e konsiderojnë si masë presioni ose pengese për të mos I lejuar të marrin pjesë në protestën e sotme.
Sipas raportimeve nga gazetarja e Fax News protestuesit janë marrë nga shtëpitë e yre dhe nuk janë zbritur nga autobuzët.
Ndërkohë ka qenë dhe ish-deputeti i Partisë Demokratike që ka denoncuar këtë ngjarje përmes një startusi në facebook. Ai ka shkruar se policia e Elbasanit po mban peng qytetarët në ambjente e Drejtorisë që prej orës 13.00dhe se kjo gjë ka ardhur si pasojë e frikës së madhe të Ramës dhe Lleshajt.
Statusi i plotë i Luciano Bocit
POLICIA QË RRËMBEN
Policia e Elbasanit rrëmben e mban peng në ambjentet e Drejtorisë së policisë, qytetarët pjesëmarrës në protestat.
Frika deri në palcë, ka detyruar Ramën e Lleshajn të nxjerrin urdhërat e tyre politikë për mbajtjen peng të qytetarëve.
Me verbëri politike dhe si jeniçere e bindur, pa profesionalizëm e personalitet, policia i ka rrëmbyer ata që prej orës 13.00.
Rrëmbimi dhe privimi i lirisë së tyre bëhet sipas justifikimit se janë të rrezikshëm.
Shiheni vetë në foto rrezikshmërinë e tyre.
Privilegjet e lirisë sot i gëzon nën këtë regjim policor vetëm krimi, killerat dhe grabitësit.
Kjo nuk është policia e shtetit, por policia e juntës.
Protesta nuk ndalet me truket e shëmtuara të regjimit të neveritshëm të Ramës.
Nderkohë qe Boci është shprehur për Fax News se kjo gjë po bëhet pa asnje baze ligjore, pasi policia nuk mund te zevendesojë Prokurorinë.
(j.b/faxweb.a)
Discussion about this post