Ditën e hënë opozita ka parashikuar përshkallëzimin e protestës së saj tashmë dy-mujore. Protesta dhe demostrata pritet të ketë edhe në qyete të tjera të vendit.
Në një deklaratë të saj për këto protesta ka reaguar edhe Partia Socialiste.
Sipas deklaratës , çadra e Lulzim Bashës e ka vonuar zbatimin e reformës ne drejtësi, ndërsa rrezikon të nxjerrë vendin nga rruga drejt anëtarësimit në BE. Më tej thuhet se kërcënimet e Bashës për bllokimin e rrugëve dhe bojkotin e zgjedhjeve janë një rrugë e rrezikshme.
Deklartata e plotë e PS:
Është koha që Basha të mësojë se: Ai që bënte thirrje vetëm pak ditë më parë për të thyer dritaret e për të shpuar gomat, nuk mund të pretendojë krejt papritur e pakujtuar se është thjesht një qingj i pafajshëm. Çadra e Bashës e ka vonuar mjaft tashmë zbatimin e Reformës në Drejtësi dhe rrezikon ta nxjerrë Shqipërinë nga rruga drejt BE-së.
Kërcënimet e tij për bllokimin e rrugëve dhe bojkotin e zgjedhjeve janë një rrugë e rrezikshme që na çon pashmangshmërisht vetëm drejt dhunës, pikërisht ashtu si në 1997-n. Ne nuk do ta lejojmë PD-në t’ju marrë peng të ardhmen shqiptarëve. Në 18 Qershor, qytetarët do të jenë të lirë të shprehin vullnetin për zgjedhjen e tyre. (E.K/SHUPLAKA)
Discussion about this post