Policia e Tiranës ka publikuar pamje të tjera nga vrasja e komisarit Artan Cuku. Kjo është video e dytë e publikuar nga policia, ku pamjet tregojnë se njëri prej autorëve të dyshuar, i veshur me kapele, tuta të zeza dhe xhup blu shfaqet në pallatin ku banonte komisari, në “Rrugën e Kosovarëve” duke ngjjitur shkallët e pallatit. Kjo video është vetëm 26 sekonda.
Policia e Shtetit në bashkëpunim me Prokurorinë e Krimeve të Rënda po vijon hetimet intensive për zbardhjen e ngjarjes së ndodhur në datën 8 Prill 2017 ku u vra me armë zjarri ish drejtuesi i lartë i Policisë në nivel lokal Artan Cuku.
Policia kërkon edhe një herë ndihmën e qytetarëve për të bërë të mundur identifikimin e autorit të dyshuar i cili më datë 08.04.2017, rreth orës 20:11, në rrugën e “Kosovarëve”, në hyrje të pallatit “Melros”, ka qëlluar me armë zjarri pistoletë, ish-drejtuesin Cuku. Policia garanton anonimatin e plotë dhe për çdo informacion të vlefshëm telefononi në numrin e telefonit 0694110299.
Vetëm disa ditë më parëpolica publikoi videon e parë ku shfaqet autori që policia dyshon se qëlloi mbi ish-shefin e Policisë Artan Cuku. Ishte videoja e parë me pamje nga autori i dyshuar që qëlloi për vdekje komisarin. Një djalë i ri, me kapele në kokë dhe duke vrapuar me duar në xhepa, këto duken në videon 13 sekondëshe. Policia kërkon ndihmën e personave që mund ta kenë parë, duke deklaruar se po vijojnë hetimet intensive.
(J.V/Shuplaka)
