Kuvendi Kombëtar i Partisë Demokratike të drejtuar nga Sali Berisha, mbajtur ditën e shtunë, ishte tema e mbrëmjes së sotme në studion e emisionit ‘Pushteti’ në Fax News me drejtuesin Besnik Sulejmani.
E ftuar në studio pedagogia e Universitetit të Tiranës, Ilirjana Kuçana u shpreh se opozita ka probleme dhe duhet të hapet ndaj qytetarëve.
Nga ana tjetër kryetari i kësaj partie, Sali Berisha është një faktor kyç dhe nuk mund të anashkalohet. Në parti, thotë Kuçana duhet të vijnë fytyra të reja dhe intelektualë, njerëz të lirë dhe me guxim.
“Opozita ka probleme, ka nevojë të hapte, ka nevojë për një frymë intelektuale dhe për një vendosmëri të pakthyeshme për të thyer Edi Ramën. Duhet ta thyejmë. Berisha është faktor. Kush mendon se nuk ka peshë bën gabim. Opozita kishte nevojë dhe Berisha erdhi në një moment që kishte nevojë për të. Sali Berisha duhet të bëjë gjithçka për një opozitë të shëndetshme. Mendoj që ndryshimet do të ndodhin për një arsye shumë të thjeshtë. Pavarësisht masakrës që ndodhi, duhet lexuar më thellë. Rezultati i zgjedhjeve duhet ta lexojmë dhe të reflektojmë. E kemi analizuar, kemi folur edhe në institucionet tona. Kanë dalë problematikat. Qytetarët kërkojnë figura të reja, një frymë të re perëndimore euro-antlantike. Ka ardhur momenti të dalim në fushë betejë. Fronti opozitar solli figura të jshtëzakonshme. Janë njerëz të lirë, kanë guxim”, u shpreh Kuçana.
Discussion about this post