Ra nga 10 metra lartësi, ndërron jetë në spital shqiptari në Itali

Ndërron jetë 33 vjeçari shqiptar i cili një ditë më parë ra nga një lartësi prej rreth 10 metrash në Itali.

Mediat italiane shkruajnë se Edmond Ndou sapo kishte nisur punën të hënën në mëngjes në Rrugën Nacionale Piemonte në Savona, mirëpo ndërsa punonte në çatinë e një ndërtese ka humbur ekuilibrin dhe ka rënë në tokë.

Ilsecoloxix.it shkruan se Ndoi u dërgua me urgjencë në spitalin Santa Corona, ku deri pasditen e sotme ndodhej në gjendje të rëndë, ndërsa vetëm para pak orësh ka ndërruar jetë.

Ndoi iu nënshtrua një ndërhyrje kirurgjikale intensive në kokë, mirëpo përpjekjet e mjekëve rezultuan pa sukses. (D.D/Shuplaka)