Është zbardhur dëshmia që ka dhënë në Gjykatë Ragip Hajdini që akuzohet për grabitjen e 9 Prillit në Rinas. Ai ka thënë në Gjykatë se nuk është daja, dhe ka kërkuar ballafaqim me Alkond Bengasi.
“Nuk jam unë personi që kërkoni. Kërkoj që të ballafaqohem me Alkond Bengasin. Kam njohje me familjen Murataj më kronkretisht me Aleksin nuk e dija që Admir Murataj ishte në kerkim. E kam dëgjuar që në media kanë folur për një person me nofkën daja.
Disponoj prova që kam qenë duke ngrënë drekë diku tjetër, afër një vendi të quajtur tullat e kuqe në Kavajë. Nuk kam asnjë lidhje me ngjarjen kam qenë në varrim të Adimr Murataj”, është shprehur Hajdini në gjykatë.
Kujtojmë se Policia e Shtetit vuri në pranga Hajdinin pas dëshmisë së Alkond Bengasit, i cili deklaroi para hetuesve se ishte një shqiptar i Kosovës që shoqërohej me Admir Muratajn.
Lidhur me këtë rast policia shqiptare ka bashkëpunuar dhe me autoritetet kosovare duke shkëmbyer informacione, nga ku ka rezultuar se Hajdini është me precedent të mëparshëm kriminal.
50-vjeçari nga Peja është i dyshuar për grabitjen e 25 kilogramëve ar nga dhoma e dëshmive në policinë e Pejës, ngjarje kjo e ndodhur në vitin 2012, por dhe për grabitjen e një argjendarie në Dibër të Madhe në korrik të 2014-ës.
Për grabitjen e miliona eurove në Rinas deri më tani janë arrestuar Elton Pikli, Oltjon Veseli, Alkond Bengasi, Renaldo Sula dhe Saimir Çela.
(E.K/FAXWEB.AL)
Discussion about this post