Kryeministri Edi Rama, ishte sot i pranishëm në aktivitetin me në fokus femrën në Policinë e Shtetit, të titulluar “Promovimi i femrës në Policinë e Shtetit”.
Gjatë fjalës së tij, kreu i qeverisë u ndal tek akuzat e opozitës mbi Policinë e Shtetit dhe anketat e organizatave ndërkombëtare që flasin për të kundërtën. Ai u shpreh se krahasuar me policinë e kaluar, ku punonjësit ishin të paarsimuar, sot kemi një institucion të mbrojtjes së qytetarëve tërësisht ndryshe që renditet si institucioni më i besuar në vend.
Më tej, Rama renditi sukseset e kësaj policie, në luftën kundër drogës, krimit të organizuar dhe theksoi se Policia e Shtetit akuzohet e sulmohet pikërisht sepse bën punën e saj.
“Promovimi i femrës në Policinë e Shtetit, histori të panumërta në raportin e ri mes Policisë së Shtetit dhe qytetarëve. Në këto histori, ju gra dhe vajza keni rol të padiskutueshëm. E nisur me një Polici Shteti më e plakura në Europë dhe rajonin ku jetojmë, mbulonte rreth 55% të terriitorit, ku një pjesë e madhe ishin të mbyllur nëpër zyra.
Sot nuk e themi ne, e thonë anketimet e organizatave më të mirënjoura ndërkombëtare që thonë se Policia e Shtetit është institucioni më i besuar në vend. Dua ta nenvizoj për t’iu thënë të gjitha juve se çfarë keni bërë në kaq pak kohë, që ruani çdo ditë rendin dhe qetësinë e qytetarëve. Kjo trupë ka në përmbajtjen e vet dhe gjakun e atyre që nuk janë më, që ranë në krye të detyrës duke mbajtur këtë uniformë.
Besimi duhet parë dhe tek numri i telefonatave, tek fakti që në këto 3 vjet kemi numrin më të ulët të vrasjeve në Shqipëri, tek fakti që 7384 persona të shpallur në kërkim janë kapur, milionë euro pasuri kriminale e sekuestruar.
Ka shumë të drejtë ministri që e nënvizon këtë fakt, një fakt kokëfortë. Karagjozët që për popullin nuk mendojnë, i adresojnë Policisë së Shtetit akuza të pavërteta. Ata që ofrojnë rryshfete nuk janë të varfërit, nuk janë të dobëtit. Këto para kriminale, miliona euro, zë i konsiderueshëm për Shqipërinë, para që vijnë nga droga, nga kontravanda, para që sekuestrohen.
Mos harroni kurrë shprehjen “Kur dikush të akuzon për diçka që nuk e ke bërë ose e ka bërë, ose e ka bërë vetë ose është në gjendje ta bëjë vetë.” Kështu janë edhe rastet e trafikantëve të drogës. Në 26 vjet kurrë nuk është sulmuar Policia e Shtetit si në këto tre vjet dhe kurrë nuk ka qenë në majë. Ka një arsye përse sulmohet: Bën pikërisht punën e vet, të godasë atë ku mblidhet qelbi i pisllëkut. Ka goditur dhe vazhdon të godasë më fort.”
Policia e Shtetit po ripërtërihet në moshë, vëmendje, moral.”, u shpreh mes të tjerash Rama. (XH.A/SHUPLAKA)
Discussion about this post