Kryeministri Rama ka mbledhur sërisht sot zyrën operacionale për gjendjen e rënduar të motit dhe gripit. Ai e ka nisur këtë mbledhje duke falenderuar për punën e tyre të gjitha strukturat e pranishme në terren. Pavarësisht debateve në media me Ministrin e Transporteve të disa deputetëve socialistë, vetë Rama e ka falenderuar të parin atë për punën e bërë në terren.
”Dua të falenderoj Ministrin e Transporteve duke qenë i pranishëm në të gjitha pikat e nxehta për të ndjekur nga afër situatën, punonjësit e OSHE-së që përballen jo thjesht me situatën shumë të vështirësuar të temperaturave të ulëta, pod he me rrjetin e amortizuar në rrjetin e shpërndarjes së energjisë. Kam mundur të konstatoj me kënaqësi se puna e tyre është e vlerësuar shumë lart.
Një falenderim të posaçëm për forcat e armatosura që edhe njëherë tjetër treguan se me ndërhyrjet e tyre muind të shpëtojnë jetë njerëzish. Nuk diskutohet që puna e Emergjencave Civile mbetet në lartësinë e duhur, dhe puna e Ministrisë së Bujqësisë, angazhimi I tyre ka qenë maksimal edhe përpara se të fillonte kjo situatë. Dhe gjithë anëtarët e tjerë të këtij shtabi që po bëjnë një punë serioze dhe me rezultat pozitiv.
Nëse do ti referoheshim pasojave që janë shmangur bilanci është shumë pozitiv”, ka thënë ndër të tjera Rama. (E.K/SHUPLAKA)
Discussion about this post