Gjatë vizitës së tij në Prishtinë, kryeministri Edi Rama ka përfituar të urojë të gjithë shqiptarët e Kosovës, por jo vetëm, për festën e Pavarësisë.
Pas përfundimit të seancës solemne me rastin e nëntë vjetorit të Pavarësisë, Rama kujton kreun e AAK-së Ramush Haradinajn i cili ndodhet në Francë.
“Së dyti uroj që përsëri edhe sot, kthimin sa më parë në shtëpi të Ramush Haradinajt, sepse pa praninë e tij kjo ditë ka një mungesë dhe mungesa e tij është edhe një ftesë për reflektim për të gjithë që të jenë në funksion jo të Kosovës por të gjithë të tjerëve me luftën e Ushtrisë Çlirimtare të Kosovës”, është shprehur Rama.
Kryeministri shqiptar ka uruar të gjithë qytetarët duke thënë se është një përvjetor me një peshë të jashtëzakonshme pasi ende janë të freskëta kujtimet e së kaluarës. (D.D/Shuplaka)
