Kryeministri Rama foli sot në Komunikimin Javor duke konfirmuar se nuk ka pasur më negociata dhe sipas tij mesa duket po shkohet pa PD-në në zgjedhje.
Fjala e Ramës:
Sot do të zhvilloheshin zgjedhjet në Kavaje. U tërhoqëm për të shmangur përplasjet dhe derdhjet rrugëve të Kavajës së përsheshit të gatuar në çadrën prej plasmasi.
Fatkeqësisht PD nuk e shfrytëzoi për të mbyllur laboratorin e krizës këtë kohë të mnbetur dhe për të hapur një faqe të re të bashkëpunimit mes opozitës me qeverisë. Festoi një fitore imagjinare, në këto kushte fija e shpresës së do të votojë vettingun është një fije shprese tanimë e padukshme. Përfudnimi se në zgjedhje po shkojmë pa PD është pothuajse e qartë. Kjo po mbahet peng përmes dy liderëvë të PD të riut dhe të vjetrit. Frikën nga drejtësia nuk jua heqim dot njerëzve që po sakrifikojnë një parti historike, as qeverinë nuk ua japim dot, as zgjedhjet nuk ua japim dot.
Qeveria është vullnet i shumicës jo një plackë, zgjedhjet janë të popullit. Në mos ndodhtë mrekullia, ne nisemi drejt 18 qershorit që nesër.
Destabilizimi që ëndërron çadra nuk e realizon dot në asnjë mënyrë. Ftojmë cdo demokrat të arsyeshëm të na bashkohet. Është e qartë, o të bashkuar, për vettingun o mbrapa të ndarë nga Europa për interesa të një grushti njerëzish, o të bashkuar përpara o mbrapa, prapë të ndarë e prapë pa shtet. O të bashkuar pa dallim për më shumë punësim e mirëqenie me të njëjtin pasion që po luftojmë për vettingun, o të ndarë.
Kam ëdhë një thirrje të fundit për emigrantë që jetojnë jashtë vendit. Nëse do të vini të votoni, bëni të patën 10 vota për Shqipërine. Flisni me të afërm dhe thoijuni që kësaj radhe nuk është betejë për flamuj partish. Kjo është betejë për flamurin e Skënderbeut, shqiptarët nuk janë të paaftë për të bërë shtet siç mendojnë armiqtë e Shqipërisë. Lutja ime për të gjithë ata është që mos të mendojnë për sot por për nesër.
(M.D/Shuplaka)
Discussion about this post