Rama takon mësuesit në Vlorë: Nikolla la pas shkencëtarët që bënë “një vërr në ujë”

Kryeministri Edi Rama ka vizituar mësuesit në qytetin e Vlorës dhe ka shtuar një darkë për ta me rastin e festave të fundvitit.

Kryeministri në fjalën e tij, falenderoi të gjithë mësuesit për punën e tyre të palodhur dhe vlerësoi së tepërmi edhe ndryshimin që ministrja Nikolla i ka sjellë arsimit në Shqipëri.

 “S’ka vend për vetëkënaqësi se problemet që duhen zgjidhur janë ende plot dhe punët që duhet të bëjmë janë shumë në raport me çfarë kemi bërë. Por të jemi të vetëdijshëm se sa shumë mund të bëjmë me kurajo dhe aftësi. Ndryshimi që ka sjellë ministrja Nikolla duhet t’ju bëjë krenare të gjithave ju që jeni sot këtu se ka qenë mësuese gjimnazi dhe në 25 vjet është ministrja e arsimit që i ka lënë pas të gjithë shkencëtarët dhe profesorët që u bënë ministra dhe bënë atë vrimën në ujin e tyre të patrazuar. Siç i themi nga Vlora ‘një vërr në ujë’.”, tha Rama.

Ndër të tjera Rama ka folur edhe për projektin e Lungomares, firma e së cilës u akuzua si fajtore për humbjen e jetës së djalit të një biznesmeni në Vlorë, në fund të muajit nëntor.

Kryeministri e pranoi se projekti i Lungomares nuk ka ecur ashtu siç pritej.