Kryeministri Edi Rama në takimin që po zhvillon në qytetin e Tepelenës me drejtorët e qarkut ka treguar një episod interesant gjatë fushatës për zgjedhjet lokale të vitit 2015.
Rama tha se gjendja në qytetin e Tepelenës ishte aq e keqe dhe nuk ka patur as drita nëpër rrugë.
Rama tha sot:
“Tingëlloi pak si çuditshëm lidhja e emrit me sloganin e PS-së, sepse thoshte Tërmeti e vetmja rrugë për Tepelenën.
Ajo që duhet të bëjmë është shumë më tepër se ajo që kemi bërë. Tërmeti më tha aman të vemë drita se po gjejmë shtëpinë duke pyetur.
Këtu ku jemi mbledhur sot në këtë infrastrukturë moderne, ky qark ka fituar në mënyrë të konsiderueshme.
Ka një fakt, sa kushtonte një apartament në Tepelenë para realizimit të këtyre projekteve, 10 milionë të vjetra maksimumi, 40 milionë mesatarisht sot. “
(F.G/Faxweb.al)
