Bojken Lako, djali i aktorit tashmë të larguar nga jeta ka reaguar për herë të parë pas vdekjes së të atit. Pa fjalë. Përmes dy fotove që ka postuar në rrjetet sociale, këngëtari ka gjetur këtë formë për të shprehur dhembjen. Bujar Lako ishte shumë i dashur jo vetëm për familjarët po për të gjithë miqtë, kolegët, ata që u rritën me rolet e tij.
Të shumta kanë qenë mesazhet e ngushëllimit për Bojkenin, dhe pse dihet që asnjë mesazh nuk do të mund të shërojë plagën që lë një dhimbje dhe humbje e tillë.
Ndërkohë që nuk kanë munguar as komentet që theksojnë se shteti duhet të bëjë më shumë për artistët sa kohë që ata janë në jetë. Në vazhdën e kësaj aktivisti dhe gazetai Aulon Kalaja ka shprehur dhembjen e tij ndërkohë që nuk lë pa përmendur faktin se Bujar Lako jetonte në një apartament të pasovatuar.
‘’Isha sot dhe pashë me sytë e mi, shtëpinë modeste, në katin e pestë të një pallati të vjetër, e të pasuvatuar, të aktorit madhështor Bujar Lako, tanimë i ndjeri!
E të mendosh që politikuajt tonë kanë disa shtëpi dhe nuk dinë se ku i kanë futur paratë.
Ne i vrasim arstistët, i shpërfillim, i fyejmë dhe kështu po na ikin njëri pas tjetrit, në atë rrugë që nuk ka kthim prapa!
Ngushëllime te sinqerta familjes Lako, e në vecanti, Bojken Lako!”, mbyll ai. (E.K/SHUPLAKA)
Discussion about this post