Futbollisti i skuadrës së Tiranës Afrim Taku nëpërmjet një konference për shtyp, ka komentuar humbjen e ekipit të tij në Vlorë. Sipas Takut skuadra e Tiranës duhet të fitojë me çdo kusht në ndeshjet e radhës dhe duhet t’i afrohet sa më shumë kreut të tabelës.
“Humbëm një ndeshje që meritonim ta fitonim në Vlorë. Flamurtari me vetem dy goditje në portë na mori pikët. Për mënyrën se si u zhvilluan ngjarjet duhej të ishte mbyllur në barazim”, u shpreh futbollisti Taku.
Po kështu ai sqaroi më tej se janë gjatë pikë më pak se vendet e para dhe kjo si pasojë e zhvillmit të ngjarjeve.
“Nuk e kthejme dot kohën pas edhe pse do të ishte mirë të kishim grumbulluar më teper pikë. Na duhet të shohim përpara dhe të na shërbej si mësim për të mos gabuar më në të ardhmen”, tha ai.
Taku shpjegoi se skuadrat e vogla mbrohen më shumë dhe kjo i krijon situatë jo të favorshme skudrës së Tiranës, sipas tij lojtarët duhet të jenë më agresiv para portave kundërshtare.
“Përsa i përket formës sime, nuk ka ndonjë sekret të madh. Puna e vazhdueshme ka sjellë një formë të mirë timen. Megjithate, një lojtar të nxjerri vlerat e veta nevojitet një skuadër e mirë. Përsa i përket pozicionit tim të ri si sulmues krahu, më pëlqen të luaj aty. Ndihem shumë komod”, u shpreh ai.
Ndërsa për mungesën e Muçes tha se ky është një problem për t’u zgjidhur. “Fillimisht une i uroj rikthim të shpejtë dhe me vjen keq që i ndodhi në këtë moment. Besoj se do te gjejmë zgjidhje brenda ekipit për të marrë rezultate pozitive”, tha ai.
