Kreu i FRD-së, Bamir Topi, shprehet kundër qëndrimit të opozitës. Ai zgjedh të mos i komentojë vendimet e opozitës, por ndan mendimin se përgjegjësia për situatën është e dyanshme.
Ai shprehet se duhet treguar kujdes, pasi kaosi në politikë kalohet kaos në shoqëri.
Kreu i Frymës së Re Demokratike vjen me një propozim, atë të heqjes së komisionerëve partiakë, pasi sot ka komisionerë partiakë si në vitin 2013.
“Nuk i komentoj vendimet e opozitë, vendimet e opozitës janë ekskluzive të tyre. Unë jam kundër krijimit të një qeverie teknike. Është e papranueshme që njëra palë të dështojë procesin, në një kohë që përgjegjësia është e dyanshme. Është thjesht një alibi, opozita ka të njëjtën përgjegjësi.
Kaosi në politikë kalohet kaos në shoqëri. Në këtë konfliktualitet e shoh të vështirë situatën. Ne sot kemi komisionerë partiakë si në 2013. Çfarë duhet të themi ne që nuk kemi komisionerë?”, mësohet të jetë shprehur Topi. (XH.A/SHUPLAKA)
