Rrezik për drejtuesit e mjeteve, këta këmbësorë aksidentohen me qëllim për të fituar ca para

Drejtuesit e automjeteve në Tiranë rrezikohen nga veprimet e disa këmbësorëve, të cilët përfshihen me qëllim në aksidente.

Policia rrugore e kryeqytetit ka konstatuar disa raste deri tani, të cilat tashmë i kanë kaluar për kompetencë seksionit të hetimit të aksidenteve.

Bardhë e blutë kanë treguar për TCH, se është identifikuar një grua rreth 50 vjeç e cila është përfshirë në aksidente të ngjashme disa herë, në rrugën “Siri Kodra”.

Ndërkohë është identifikuar edhe një mashkull rreth të 40-tave, i cili është shtrirë poshtë një taksie pranë Kryeministrisë, e cila pasi lëvizi i dëmtoi gjymtyrët e poshtëm.

Ky personi, është përfshirë në 4 aksidente të ndryshme brenda vitit, duke hedhur kështu dyshime nëse ato kanë qenë vërtet aksidente.

Sipas bardhë e bluve, kjo bëhet me qëllim për të përfituar nga siguracionet megjithatë nuk bëjnë me dije nëse pas hetimeve do ngrihen akuza ndaj këtyre personave që aksidentohen me vetëdije. (D.D/Shuplaka)