Një aksident i rëndë ajror raportohet të ketë ndodhur Iranin jugperëndimor, raportojnë mediat ndërkombëtare. Në bordin e avionit ishin 11 persona.
Avioni privat në pronësi të Turkish Basaran Holding ishte nisur nga Sharjah, i Emirateve të Bashkuara Arabe, ndërsa në bord kishte tetë pasagjerë dhe tre anëtarë të ekuipazhit, njoftoi Agjencia iraniane e lajmeve (ISNA).
Përplasja ndodhi në Kiyar mes Provincës Chaharmahal dhe Bakhtiari. Të gjithë personat në avion kanë humbur jetën.
Viktimë e këtij aksidenti mbeti vajza e biznesmenit Huseyin Basaran, e cila të dielën e ardhshme do të martohej.
Mina Basaran dhe 7 mikeshat e saj të ngushta 3 ditë më parë kishte udhëtuar për në Dubai, ku kishin organizuar festën e beqarisë së saj, por për fat të keq ato humbën jetën pasi avioni me të cilin po udhëtonin për kthimin në Turqi, u rrëzua.
Në profilin e saj të Instagramit ajo kishte bërë disa postime, ku shihej e lumtur me mikeshat e saj duke festuar, ndërsa mbrëmjen e djeshme kishin marrë pjesë në koncertin e Rita Orës që po mbahej në Dubai.
(E.K/FAXWEB)
