Rritja e çmimit të ujit, Vjollca Braho parashtron disa kërkesa në mbledhjen e Këshillit Bashkiak

Në mbledhjen e sotme të Këshillit Bashkiak, po diskutohet çështja e rritjes së çmimit të ujit të pijshëm.

Nënkryetarja e Këshillit bashkiak Vjollca Braho, në parim u shpreh pro këtij projekti mirëpo parashtroi disa kërkesa për kryetarin e bashkisë Erion Veliajn.

“Të përjashtohen kryefamiljarët që përfitojnë pension pleqërie fshati dhe kanë pjesëtarë të familjes të papunë. Së dyti të përjashtohen familjet që trajtohen me ndihmë ekonomike si edhe familje me anëtarë me aftësi të kufizuara.

Kryefamiljarët që përfitojnë pension invaliditeti. Për familjet e punonjësve buxhetorë, dhe që nuk kanë asnjë anëtarë tjetër të punësuar apo papunësuar. Gra kryefamiljare dhe familje të varura nga kontrata Të kompesohen nga Bashkia e Tiranës nëse çmimi do të jetë i njëjtë për të gjithë.”, deklaroi Braho.

Menjëherë pas fjalës së Brahos, veliaj u përgjigj duke thënë se kërkesat e PDIU-së janë marrë parasysh dhe padyshim do të bëhen pjesë e projektit. Sipas Veliajt, nëse ky projekt realizohet, do të mundësohet furnizimi 24 orë në 24 me ujë të pijshëm për qytetarët e Tiranës, brenda 2 viteve. (D.D/Shuplaka)