Rryshfet 2000 lekë policit, arrestohet i riu që lëvizte pa rrip sigurimi

Një 24-vjeçar është vënë në prangat e Policisë së Delvinës pranë vendit të quajtur “Ura e Gajdarit” në Delvinë.

Leo Majko, banues në Delvinë, u kap duke drejtuar mjetin tip “Citroen” pa rrip sigurimi. Për t’i shpëtuar gjobës administrative, ai tentoi të korruptonte efektivin e Rrugores duke i dhënë 2000 lekë, por përfundoi në pranga.

Detaje të Policisë së Delvinës:

I ofron ryshfet punonjësit të policisë rrugore për t’iu shmangur masës administrative! Arrestohet në flagrancë drejtuesi i mjetit ! Policia e Delvinës ka bërë të mundur arrestimin në flagrancë të shtetasit: – Leo Majko, 24 vjeç, banues në Delvinë.

Arrestimi i tij u bë në qytetin e Delvinës pranë vendit të quajtur “Ura e Gajdarit”, pasi ky shtetas duke drejtuar mjetin e tij tip Citroen me targë ZZB 5382, ka tentuar ti japë 2000 lekë (të rinj) punonjësit të policisë së qarkullimit rrugor, me qëllim që t’i shmangej masës administrative pasi po qarkullonte pa rrip sigurimi.

(XH.A/SHUPLAKA)