Drejtuesja e Prokurorisë së Tiranës, Elizabeta Imeraj është sot e pranishme në seancën e parë publike, që kpo mbahet në Kolegjin e Posaçëm të Apelimit, për shqyrtimin e ankimit të Komisionerit Publik ndaj vendimit të Komisionit që e konfirmoi në detyrë këtë subjekt rivlerësimi.
Elisabeta Imeraj: Kërkoj aprovimin tuaj për të kërkuar mbrojtjen në këtë proces nga avokati im Gregori Twan, nga studio avokatie që përmbush kriteret ligjore edhe në Shqipëri.
Trupa u tërhoq për të marrë vendim në lidhje me kërkesën e Imerajt, dhe pas konsultimit të akteve të paraqitura, vendosi të legjitimojë avokatin, si përfaqësues i Imerajt.
Komisioneri publik nuk ka kërkesa paraprake, po ashtu edhe subjekti i revlerësimit.
Ndërkohë Faxweb.al zbardh dhe diskutimet që janë mbajtur në mbledhje, ku sipas Komisionerit Publik, Imerajt i janë gjetur 7 shkelje, që kanë të bëjnë kryesisht me pastërtinë e figurës dhe me aftësitë profesionale.
Pjesë nga qendrimet e mbajtura:
Komisioneri Publik: I kemi dërguar me shkrim parashkrimet me 2.3.2022, në 7 kopje dhe besoj se konfirmohet nga KPA se palët janë në dijeni të parashtrimeve tona në këtë seancë.
Imeraj: Jemi njohur dhe kemi arsyetur parashtret.
Komisioneri Publik: Më 21.6.2021, është njoftuar konfirmimi në detyrë i Imerajt, me funksion drejtuese e Prokurorisë, Tiranë. Komisioni prej 3 vëzhguesve ndërkombëtar të monitorimit kanë paraqitur ankesë në KPA. Çështjet e trajtuara nga OMN rezultojnë të jenë afërsisht të njëjta me ato të gjetura nga Vëzhguesit Ndërkombëtar, për kriterin e pasurisë, në lidhje me një kredi bankare, pasuri e paluajtshme, një tjetër pasuri e paluajtshme në Tiranë. Truall 2500 m2 në Tiranë dhe çështjet e lidhjes me to.
Për kriterin e figurës, në vitin 2002, për çështjen në lidhje me shtetasin A.B. Ndaj dy shtetasve me çështje gjyqësore por edhe një shtetas kolumbian. Parashtrohen edhe çështjet e objektivitetit të hetimit, mënyrën jo profesionale të sjelljes jo të duhur në seancën dëgjimore së prillit 2021.
Janë konstatuar 7 gjetje, 1 për kriterin e pasurisë, për kriterin e aftësive profesionale është konstatuar 1 gjetje, për kriterin e figurës janë administruar 2 gjetje. Për etikë dhe integritetit janë administruar 3 gjetje. Dispozitat kushtetuese dhe ligjore të gjetjeve të vëzhguesit ndërkombëtar, e kanë barazuar përmbajtjen provuese të gjetjes.
Janë vlerësuar edhe 6 opinione të OMN. Para kësaj seance KPA, ka përcjellë aktin gjetje të vëzhguesit të OMN, shoqëruar me dokumentacionin përkatës. Kjo gjetje e re, është paraqitur për tu shqyrtuar. KP, brenda afatit ligjor 15 ditor ka ushtruar të drejtën e ankimit, duke e quajtur vendimin për rikonfirmimin të paligjshëm. KP, çmon se Komisioni kontrollues dhe vlerësues duhet të vlerësojë subjektin në të 3 shtyllat.
Nga shqyrtimet të pasurisë së deklaruar 2004-2016, nuk ka deklaruar as regjistruar regjimin e pasurive të ndara me ish-bashkëshortin. Pasuria e paluajtshme me sip 2500 m2 truall, në Tiranë, subjekti nuk ka deklaruar mbi të. Në vetting e ka deklaruar në emër të shtetasit A.B e ndarë më 3 pjesë me burim pasuri e këmbyer në bashkëpronësi.
Konstatojmë mungesë dokumentacioni për blerjen e pronës në periferi të Tiranës, mungesën e dokumentacionit për justifikimin e deklarimeve.
Vlerësojmë se komisioni nuk ka arsyetuar mbi përmbajtjen e gjetjeve, për sa kohë janë gjetje të OMN, unë kërkoj qartësi që i qëndron qëndrimit të gjakatës, apo do të kërkojë hetim vetëm për çështjen e pronave sepse edhe unë duhet të përgatitur për të ballafaquar qëndrimet.
Ina Rama: Nuk kemi marrë ende një vendim për administrimin e provave. Mund të procedojmë me paraqitjen e qëndrimeve që keni ju dhe provave?
Imeraj: Të paktën në 3 gjetje është denoncim i rremë i Rremi Shehut. E kam të domosdoshme dhe të nevojshme të përcaktojmë kornizën ligjore mbi të cilat do të ballafaqohemi.
Elisabeta Imeraj: Ne po flasim për prova, nëse OMN bën një rekomandim shtesë dhe në këtë rekomandim dhe Komisioneri Publik, refereron qëndrimet e tij.
Edhe pse e kam disi të vështirë, unë që nga viti 2004, kur kam nisur punën në Shkodër, në 2014 në Tiranë. Në jetën e përditshme si prokurore kemi hasur vështirësive të ndryshme, s ai përket kushteve të punës, mjeteve, por kurrë në parimet e funksionit.
Në mënyrë të çuditshme përballem me këto të dhëna në copa letrash. Velentino Ymeri, me email, pasqyron pretendime fakte që nuk kanë lidhje me komisionin e vlerësimit, dhe së dyti më dëmtojnë si prokurore, nënë, grua. Apo letrat e mesazhet anonime të Rremi Shehit.
Një person anonim në vrazhdën e anonimëve të shumtë në drejtimin tim, vazhdojnë të hedhin baltë mbi një prokurore të Republikës së Shqipëri, mbi një nënë, grua. Interesa politik, interesa kriminal, interesa ekonomik, kështu duhet të veprojmë, mbi këtë baza i ngritëm këtë institucione. Keni çdo institucion për të mbledhur çdo akt, çdo provë në lidhje me një subjekt.
Unë nuk jam kundër të administrimit të asnjë lloj prove,akti në këtë proces vlerësimi, se jam e bindur se çfarë unë bëj në punën time, në jetën time. Për fëmijët e mi, që pyesin ky prokurori vijon të jetë në proces, që në kohën e emaileve e mesazheve anonim.
Eriona Fino bën një kërkesë pa asnjë lloj tagri për të ditur detaje të procesit ndaj meje, në shuma konkrete, ajo ka një burim informacione pse e nis një kërkesë të tillë, të njëjtat me ato të Komisionerit Publik. E rëndësishme është të dimë kush është Ky Valentino Ymeri apo Eriona Fino, çfarë përfaqësojnë.