Njëzet e katër kilogramë dorgë janë sekuestruar në pikën kufitare të Muriqanit, e fshehur brenda një automjeti me drejtues një shtetas me precedent penalë të mëparshëm.
Lënda narkotike e llojit të dyshuar “Cannabis sativa” u pikas nga Policia Kufitare gjatë një kontrolli të kryer në pikën kufitare Muriqan në automjetin tip “Benz” me targa AA639NO.
Bëhet e ditur se droga me peshë 24 kilogramë e 150 gramë ishte fshehur në 28 pako brenda automjetit. Policia e Shkodrës vuri në pranga drejtuesin e mjetit Islam Binjaku 55 vjeç, banues në Tiranë. Ky person rezulton me precedent penalë të mëparshëm. Mbi të rëndon akuza “Trafikim i narkotikëve“. (XH.A/SHUPLAKA)
Discussion about this post