Shefi i Shtabit të Forcave të Mbrojtjes së Izraelit (IDF), Eyal Zamir tha se ushtria izraelite “nuk qëndron duarkryq përballë kërcënimeve që po zhvillohen”.
Zamir deklaroi se Izraeli ndodhet “në mes të një lufte me shumë fronte”, teksa ka bërë një vizitë në Rripin e Gazës si dhe në zona të Izraelit të goditura nga sulmet iraniane.
Ai shton: “IDF është e përgatitur. Ditë pas dite, liria jonë për të vepruar po zgjerohet, ndërsa ajo e armikut po ngushtohet.”
“Kemi hyrë në fushatën më të ndërlikuar në historinë tonë për të eliminuar një kërcënim kaq të madh. Përballë një armiku të tillë, duhet të jemi të gatshëm për një fushatë të zgjatur,” përfundon ai.
