Deputeti i PD-së, Dashamir Shehi ka folur ditën e sotme në lidhje me hapsirën që do ti japë qeveria refugjatëve për tu strehuar në vendin tonë.
Sipas Shehit hapja e dyerve për refugjatët është vetëm një skemë propagande e Ramës për tu dukur mirë në sytë e Europës e për të përfituar prej saj.
Ai ka thënë se vendi ynë nuk ka kapacitete që të bëj të mundur strehimin e refugjatëve.
“Shqipëria nuk ka as kapacitetet për këtë punë. Rrezikon shumë. Kush do ta shkatërrojë edhe këtë pak mirësi që na ka mbetur, në lidhje me fenë, në funksion që të përfitojë diçka. Ndonjë shkelje syri, kjo është gabim”.
Ai mendon se nuk është kjo mënyra më e mirë, për të bërë figurë të mirë tek europa, në çeljen e negociatave.
“Do zoti Rama për Europën, meqë ky bën çdo sakrificë për Europën, t’i heqë ata ministra që thotë opozita. Të marrë kryetarin e opozitës, t’i hipi avionit bashkë dhe t’i bien përqark Europës. Ky nuk bën këtë, ky thotë unë nuk e dorëzoj Fatmirin siç dorëzova Tahirin”.
Në emisonin ‘Poltika Online’ , Shehi ka folur edhe në lidhje me projektin e prishjes se Teatrit, teksa u shpreh se Rama është i fiksuar si diktator për t’i vënë qytetit fytyrën e tij, por fundin do ta ketë njësoj si të Enver Hoxhës.
“Personalisht fshihet i gjithë mania e këtij personazhi, për të qenë i fiksuar si të gjithë diktatorët. Për të qenë i fiksuar dhe nëpërmjet veprave publike. Siç bëri dhe Enver Hoxha disa shëmtira këtu në qytet. Qyteti është i të gjithëve, është gjë publike. Çdo gjë që vihet këtu, sidomos në qendër duhet t’i nënshtrohet një debati publik. Si na e dashka sipërmarrësi, kush është ky sipërmarrësi” përfundoi i revoltuar ai.
(E.V/Faxweb.al)
