Shënohet viktima e parë nga koronavirusi në Zvicër, qeveria paralajmëron masa

Është raportuar viktima e parë nga epidemia e koronavirusit në Zvucër ndërsa bëhet fjalë për një grua 74-vjeçare që ndërroi jetë në një spital në Lozanë.

Sikurse është raportuar edhe për raste të tjera në vende të ndryshme, edhe në këtë rastbëhet fjalë për një të moshuar e cila vuante edhe nga sëmundje të tjera të mëparshme.

Ndarja nga jeta e saj është konfirmuar nga qeveria zvicerane  dhe kjo e fundit po mendon të vendosë kufizime të mëtejshme për të inkurajuar distancimin shoqëror.

Nuk është përjshtuar që në ditët në vijim të bëhet mbyllja e shkollave, ndërsa ministri i shëndetësisë tha se nuk është e qartë se sa e dobishme do të ishte kjo, pasi fëmijët kanë qenë më pak të rrezikuarit të preken nga ky virus.