Sherr masiv dhe të shtëna me armë zjarri janë shënuar në orët e para të mesnatës në Tetovë.
Paraprakisht mësohet se si pasojë e konfliktit janë plagosur 5 persona, njëri prej tyre nga arma e zjarrit dhe katër të tjerë nga mjete tjera si xhama dhe shishe.
Incidenti ka ndodhur në rrugën “Dervish Carra” në bar-kafe “Bar Code”.
Sipas dëshmitarëve që bëjnë të ditur për mediat maqedonase thonë se incidenti ka ardhur si pasojë e një sherri mes dy grupeve, dhe më pas ka agravuar situata ku janë dëgjuar edhe disa të shtëna, nga ku ka edhe të plagosur.
Të plagosurit janë transferuar me autoambulancë në Klinikën e Spitalit të Tetovës. Policia e Tetovës shkoi në vendngjarje dhe po heton incidentin. Disa prej tyre pas marrjes së ndihmës së parë janë larguar për në banesën e tyre.
(E.K/SHUPLAKA)
