Kreshnik Shabani, i shpallur në kërkim pasi akuzohet se ka marrë pjesë në një sherr masiv është ndaluar sot nga policia e Sarandës.
35 vjeç, është në nga 9 personat që u përfshinë në sherrin masiv në Xarrë ku mbetën disa të plagosur.
“Më datë 09.09.2017, rreth orës 22:30, u ndalua shtetasi Kreshnik Shabani vjeç 35, banues në fshatin Vrinë, Vlorë, pasi Prokuroria e Rrethit Gjyqësor Sarandë, ka urdhëruar ndalimin, për veprat penale “Plagosja e lehtë me dashje” dhe “Prodhimi dhe shitja e narkotikëve”, njofton policia.
16 gushti
Ngjarja ka ndodhur më 16 gusht, rreth orës 22.00. F.D, N.Gj, P.N, A.N, F.N dhe Kreshnik Shabani, janë konfliktuar duke u goditur me grushte e sende të forta me shtetasit V.Ç, Dh.Ll dhe L.Ç. Si pasojë kanë marrë plagë të lehta të gjithë pjestaret në sherr, ndërkohë që më rëndë është plagosur F.D, i cili është nisur drejt Tiranës për mjekim më të specializuar.
Ndaj shtetasve N.Gj., A.N., P.N., F.N., L.Ç., V.Ç., ka filluar proçedimi penal në gjendje të lirë, për veprën penale ”Plagosje e lehtë me dashje” ndërsa është bërë shpallja në kërkim të shtetasit Kreshnik Shabanit, për veprën penale ”Plagosje e lehtë me dashje” dhe ”Prodhimi dhe shitja e narkotikëve”, të parashikuara nga nenet 89 dhe 283 të Kodit Penal. (D.D/Shuplaka)
