Në Rrushkull të Durrësit ka ndodhur një sherr mes rojeve të një rezervati dhe ka mbetur një person i vdekur dhe dy të tjerë të plagosur.
Konflikti ka ndodhur me thika dhe deri më tani raportohet për motive të dobëta.
Deri më tani sipas policisë ka humbur jetën shtetasi me iniciale L.Q dhe janë plagosur dy të tjerë.
DETJAE:
Më datë 23.05.2017, rreth orës 13:20 , jemi njoftuar nga urgjenca e Spitalit Rajonal Durrës se kanë shkuar të plagosur dy shtetas.
Menjëherë shkuan në Spital Efektivet e Policisë, të cilët konstatuan se ishin plagosur me mjet prerës thikë, shtetasit Y. Sh. , rreth 60 vjeç dhe E. Xh. ,rreth 50 vjeç.
Nga veprimet hetimore paraprake dyshohet se në fshatin Rrushkull, shtetasit e mësipërm janë konfliktuar me shtetasin L.Q.
Konflikti ka qenë i çastit dhe ka ndodhur për motive të dobëta, ku shtetasit e mësipërm janë goditur me mjet prerës (thikë) me njëri-tjetrin.
Për pasojë shtetasi L.Q. ka ndërruar jetë, ndërsa dy shtetasit e tjerë ndodhen në Spitalin Rajonal Durrës nën kujdesin e mjekëve.
Grupi hetimor po punon për zbardhjen e plotë të ngjarjes. (J.V/Shuplaka)
