Një sherr ka ndodhur në Kavajë, ku një 49-vjeçar ka goditur me thikë një 44-vjeçar. MËsohet se ngjarja ka ndodhur një ditë më parë, në një lokal në fshatin Kryemëdhenj të Kavajës.
I plagosuri me inicialet A.B është dërguar në spital, ku për fat të mirë ndodhet jashtë rrezikut për jetën. Ndërkohë i dyshuari është arrestuar dhe pritet t’i nënshtrohet procedurave të mëtejshme të drejtësisë.
“Më datë 05.07.2017, u arrestua në flagrancë shtetasi A.M, vjeç 49, banues në Tiranë, pasi dyshohet se në fshatin Kryemëdhenj, në një lokal, ka goditur me thikë, shtetasin A.B, vjeç 44 banues në fshatin Synej, i cili ndodhet në spital jashtë rrezikut për jetën.
Me cilësinë e provës materiale u sekuestrua thika. Nenet 88/1 e 279 të Kodit Penal.”, thuhet në njoftimin e policisë. (D.D/Shuplaka)
Discussion about this post