Sherre në Parlament kemi parë shpeshherë sidomos me politikanët tanë. Po ashtu edhe pak muaj më parë në Maqedoni, një sherr i madh ndodhi në Parlament, që nisi kundër zgjedhjes së Ziadin Selës si kryetar Kuvendi.
Mirëpo nëse mendonim se sherret në institucione të tilla të rëndësishme të shtetit ndodhin vetëm aty ku ka shqiptarë, e kishim gabim.
Mëngjesin e sotëm, gazetarët mediat ndërkombëtare janë zgjuar duke raportuar për një sherr masiv që ka ndodhur në Parlamentin e Ugandës.
Ndërsa diskutonin për heqjen e kufirit të diskutueshëm të moshës presidenciale, dikush u ankua se një prej deputetëve mbante armë në Parlament. Edhe pse kreu i Kuvendit urdhëroi kontrolle për të zbuluar armën, ndërkohë plasi një sherr mes deputetëve të cilët luftuan me njëri-tjetrin me grushte dhe me shqelma. Madje kishte edhe nga ata që përdorën karrigë për të sulmuar kundërshtarin.
Si nisi gjithçka?
Një propozim që kërkon të heqë një nen në kushtetutë është bërë shkak për nisjen e sherrit. Ky propozim pritej të miratohej të martën, por për shkak të sherrit një gjë e tillë nuk ndodhi.
Ky nen pengon që dikush mbi moshën 75 vjeç të kandidojë për president, por deputetët e opozitës i pezulluan procedurat duke kënduar në mënyrë të përsëritur himnin kombëtar. Në skenat kaotike, kryetari i parlamentit e shtyu seancën deri të mërkurën.
Masa për të larguar kufirin e moshës shihet si një përpjekje nga Presidenti Yoëeri Museveni për të zgjeruar sundimin e tij, pasi vetë është në moshën 73-vjeçare dhe nuk ka të drejtë të kandidojë për rizgjedhje në vitin 2021.
Museveni vetë e ka shtyrë çështjen edhe pse ai vetë është i interesuar për më shumë kohë në detyrë, duke thënë se çështja nuk është aq e rëndësishme. Porn ë këtë mënyrë ai po mundohet të qetësojë gjakrat dhe propozimi të pranohet më vonë. (D.D/Shuplaka)
Discussion about this post