Mbrëmjen e djeshme, studiuesi i njohur Olsi Jazexhi dhe historian Moikom zeqo, kanë debatuar ashpër ndërsa ishin të ftuar në emisionin “Dritare me Rudinën”.
Ndërsa po diskutonin për “mbulimin” e Skënderbeut gjatë faljes së Namazit, Zeqo tha se reagimet në rrjetet sociale kanë qenë të tmerrshme si edhe që shumë njerëz e kanë kërcënuar pas reagimeve të tij.
Ndër të tjera ai deklaroi se edhe Olsi Jazexhi e ka kërcënuar, por jo për të njëjtën cështje. Ndërsa ndodhej përballë Zeqos, Jazexhi ka reaguar duke i kërkuar atij të flasë si akademik, mirëpo Zeqo ka reaguar akoma më ashpër me fjalët: “Ti je një mercenar, një hiç, çfarë akademiku je ti”
Por Jazexhi edhe këtë radhë ka reaguar, madje edhe më ashpër se i pari duke thënë: “Po jam se kam më shumë shokë se ty o Moikom”.
Në fakt, gjatë këtyre ditëve ka patur mjaft debate ndër studiues dhe analistë, lidhur me çështjen e monumentit të Skënderbeut, mirëpo të gjitha mbeteshin në kuadrin e mediave sociale. Kjo është përballja e parë live, që vuri në dukje edhe një konflikt mes dy studiuesve. (D.D/Shuplaka)
