Ndonëse gjykata ka kërkuar rikthimin në burg të Taulant Manajt (Beqiraj), i cili u arrestuar nga policia muaj më parë pasi kishte thyer arrestin e shtëpisë dhe u kap teksa lëvizte me armë, bëhet e ditur se ai është i arratisur.
Taulant Manaj është arratisur para se të bëhej urdhër-ekzekutimi, rast ky i denoncuar nga KLD dhe Ministria e Drejtësisë.
Lirimi i Manajt u bë me vendim të gjykatëses Herila Cela më 6 gusht 2018, e cila e konsideroi atë si person të parrezikshëm dhe duke vendosur ndaj tij masën e arrestit shtëpiak. Kjo tregoi një rast flagrant të përplasjes mes gjykatëses, KLD-së dhe Ministrisë së Drejtësisë.
Pasi është bërë rivlerësimi i çështjes është kërkuar rikthimi në burg i këtij shtetasi, por ai rezulton i arratisur.
(B.B / Faxweb.al)
