Është rritur numri i viktimave nga tërmeti që goditi mbrëmë ishullin e Iskias në Itali. Deri më tani numërohen 2 viktima e 27 të plagosur.Po kështu edhe 7 persona të tjerë rezultojnë të humbur.
Në mediat italiane është publikuar një video shumë prekëse pasi forcat e shpëtimit arrijnë të nxjerrin nga rrënojat një foshnje 17 muajshe. “La Repubblica” shkruan se foshnja edhe pse me gërvishtje të vogla, gëzon shëndet të plotë.
Ndërkohë po vijon puna për gjetjen e shpëtimin e të humburve të tjerë, mes të cilëve edhe dy fëmijë. Tërmeti 3.6 ballë ra rreth orës 21:00 të mbrëmjes së djeshme, dhe ka shkaktuar shumë dëme materiale. (J.V/Shuplaka)
