Presidenti i Shteteve të Bashkuara të Amerikës Donald Trump ka dhënë një intervistë për Bill O’Rilley në “Fox News”. Në këtë intervistë Donald Trump e ka quajtur homologun rus Vladimir Putin një vrasës dhe deklaroi se edhe SHBA nuk është e pafajshme.
“Është më mirë të kesh marrëdhënie pozitive me Rusinë dhe nëse Rusia na ndihmon në luftën kundër ISISI-it, një luftë madhore dhe në atë ndaj terrorizmit islamik kudo në botë, do të ishte diçka e mirë”, tha Trump. Por ai shtoi më tej se nuk e di nëse do të merret vesh me të.
“Megjithatë, ai është një vrasës. Është vrasës. Ka shumë vrasës. Ne kemi shumë vrasës. Çfarë, mos mendoni se vendi ynë është i pafajshëm?”, tha Trump.
“Fox News” ka publikuar vetëm një pjesë të intervistës në Twitter, ndërsa e plotë do të transmetohet ditën e dielë rreth orës 20:00 me orën lokale përpara “Super Bowl”. (J.V/Shuplaka)
