Lidhur me arrestimin e kreut të AAK-së, Ramush Haradinaj, ka reaguar edhe një deputet shqiptar i kuvendit belg, i cili i ka drejtuar një letër ministrit të Drejtësisë në Francë.
Në letrën e tij, deputeti shqiptar i Parlamentit të Brukselit, Ahmet Gjanaj, kërkon lirimin e kreut të Aleancës për Ardhmërinë e Kosovës, Ramush Haradinaj.
Ai shkruan në letër se arrestimi i Haradinajt nisur nga një urdhër-arresti i lëshuar nga Serbia, do i ngjante situatës ku Gjermania do të kishte lëshuar pas luftës së humbur një urdhër-arresti për arrestimin e Sharlë de Gol.
Më tej, Gjanaj shkruan se nëse ky urdhër-arresti do të ndiqej nga ekstradimi i Ramush Haradinajt në Serbi, do të ishte një asgjësim i përpjekjeve të botës perëndimore dhe investimeve shumëmilionshe të saj për ndërtimin e një Ballkani në përputhje me vlerat paqësore dhe europiane. (XH.A/SHUPLAKA)
Discussion about this post