Shteti shqiptar do të nisë betejën ligjore me Bankers Petroleum dhe kjo pas 1 viti përplasjeje me kompaninë për çështjen e pagesës së tatim fitimit. Por mesa duket vendimi përfundimtar se kush ka të drejtë do ta japë Gjykata e Arbitrazhit Ndërkombëtar.
Vetëm 5 muaj më parë qeveria vendosi ta ankimojë në arbitrazh çështjen e 60 milionë dollarëve. Kjo shumë janë taksa që Bankers duhet të paguante për vitin 2011-të, por pengesë deri më sot ishte bë gjetja e parave për të regjistruar çështjen në arbitrazh.
Po kështu pala kryesore që duhet të padiste Bankers në arbitrazh ishte Agjencia Kombëtare e Burimeve Natyrore, e cila nuk po arrinte të gjente 240 mijë dollarë për të hapur çështjen, shkruan Tv Klan.
Ditën e fundit të afatit që gjykata kishte lënë për të bërë pagesësn, AKBN ka arritur të sigurojë shumën përmes një huaje nga kompania Albpetrol. Ky lajm Lu konfirmua zyrtarisht nga Ministria e Energjisë dhe Industrisë dhe AKBN. Ka 11 vite që kompania Bankers merr naftën e nëntokës shqiptare, por nuk ka paguar ndonjëherë tatim – fitim për shkak të shpenzimeve të larta që raporton në bilancet e fundvitit. (J.V/Shuplaka)
