Shtyhet sërish për të hënën seanca për Emiljano Shullazin, ndërsa avokatja lë sallën papritur teksa biznesmeni Ylvi Beqaj dëshmonte. Nuk dihet pse avokatja ka lënë sallën.
Beqaj filloi dëshminë me një avokate por ajo e la sallën pa dhënë asnjë arsye, duke vënë në rrezik marrjen e dëshmisë së Beqajt që u thirr në Gjykatën e Krimeve të Rënda ndërsa Shullazi ndodhet në spital.
Shkak për shtrimin u bë ndërhyrja kirurgjikale e planifikuar për Shullazin, i cili dje u transportua në masa të rrepta sigurie drejt spitalit.
Emiljano Shullazi është në proces gjyqësor për shtrëngim dhe kanosje për të përfituar pasuri. Deri më tani gjyqi ndaj Emiljano Shullazit është shtyrë 14 herë.
Biznesmeni Ylvi Beqaj ka qenë i vetmi që ka pranuar të bashkëpunojë me Prokurorinë e Krimeve të Rënda e të dëshmojë në lidhje me 550 mijë euro, të cilat i janë marrë, siç thotë ai, nga Shullazi dhe anëtarët e grupit të tij bashkë me një pjesë të pronësisë së ish-hotel “Vollgës” në Durrës.
Ngjarjet kanë ndodhur në vitin 2014, pasi Beqja ishte takuar me Shullazin në makinën e tij të blinduar në Tiranë diku te “21 Dhjetori” dhe i kishte kërkuar ndihmë për regjistrimin e ish-hotel “Vollgës” në Hipotekën e Durrësit.
Pas këtij momenti, Shullazi ka kërkuar 20 për qind të pronës së ish-hotel “Vollgës” dhe sipas dëshmisë, edhe shuma monetare, pasi në total Beqja ka pretenduar se i ka dhënë 555 mijë euro, nga të cilat 400 mijë KESH dhe 155 mijë me çeqe bankare. (V.G/Shuplaka)
Discussion about this post