Autoriteti për Mediat Audiovizive (AMA) do të mbledhë ditën e sotme televizionet që duhet të fikin sinjalet e paligjshme. Në takimin që thuhet se do të zhvillohet pa praninë e medias, disa operatorë televizivë që kanë përdorur ilegalisht në zonën e Tiranës dhe Durrësit sistemin dixhital pa licencë, do të jenë të pranishëm sot.
Këta operatorë janë të detyruar me ligj të lirojnë frekuencat e zaptuara ilegalisht për të lejuar ndezjen e sistemit të ri të TV dixhitale që do të duhet të kompletohet në muajt e ardhshëm. Ndër ta janë: Top Channel, Klan, Digitalb, Tring, News24, ShijakTV, Ora News.
Në takimin e ditës së sotme, thuhet se përvec operatorëve që kanë përdorur frekuencat në mënyrë ilegale, do të marrin pjesë dhe përfaqësues të Delegacionit të Bashkimit Europian.
Teknikë të AMA-s shprehen se pa mbylljen e sistemeve dixhitale pa licencë, nuk është i mundur procesi i dixhitalizimit, i cili do të nisë nga Tirana dhe Durrësi dhe do të vazhdojë në mënyrë progresive në qarqet e tjera të vendit. (XH.A/SHUPLAKA)
Discussion about this post