Prodhuesi i disa prej filmave të njohur në Hollywood, Harvey Weinstein, akuzohet për ngacmime seksuale ndaj femrave që punonin në kompanin e tij.
Pas kësaj akuze bordi i drejtues i kompanisë së tij ka mundësuar menjëherë shkarkimin e tij.
Largimi i tij i menjëhershëm vjen pasi New York Times publikoi javën e kaluar akuzat në lidhje me pretendimet për ngacmim seksual që datojnë gati tre dekada.
Weinstein është një nga burrat më të fuqishëm në Holliwood, pasi ka themeluar kompanitë Miramax dhe Weinstein Company dhe është prodhuesi i filmave Shakespeare in Love, The King’s Speech dhe Pulp Fiction.
Pretendimet kundër tij, sipas raportit të New York Times, dolën kryesisht nga gratë e reja që shpresonin të dilnin në industrinë e filmit dhe përfshinin të famshmen Ashley Judd dhe Rose McGowan .
Ndër akuzat e ngritura kundër producentit të filmit janë se ai i detyronte gratë ta masazhonin atë dhe ta shikojnin më pas të zhveshur. Në këmbim të favoreve seksuale, ai premtonte ti ndihmonte në avancimin e karrierës së tyre raporton BBC News.
Sipas “The Guardian”, javën e kaluar thuhej se Weinstein kishte gjetur të paktën tetë vendbanime me gratë që ai kishte ngacmuar seksualisht të cilat ai do t’i ftonte në dhomën e tij të hotelit nën maskën e punës dhe pastaj t’i përshëndeste ato i zhveshur.
Një numër aktorësh shprehën menjëherë mbështetjen për femrat që mendohen të jenë viktima të tij.
(B.N/Shuplaka)
Discussion about this post