Ditën e sotme do të luhet një nga ndeshjet më të bukura dhe më të luftuara të kampionatit spanjoll. Derbi Madrilen mes Realit dhe Atletikos.Gjithçka pritet të startopjë duke filluar nga ora 16 e 15 në ‘Santiago Bernabeu.
Në konferencën para takimit tekniku i Atletikos Simeone ka vlerësuar me nota shumë pozitive kapitenin madrilen Sergio Ramos. Ai u shpreh se kampionati spanjoll është me fat që ka një lojtar si ai.
‘’Ndjej një admirim të veçantë për Sergio Ramos. Kampionati spanjoll dhe Reali, janë me fat që kanë një lojtar si ai. Përveçse një mbrojtës i kompletuar, është e vështirë ta ndalësh edhe në daljet e shpejta në sulm.
Ndeshja e nesërme do të jetë shumë e vështirë. Reali është shumë i rrezikshëm dhe mund të themi që është favorit. Ata që mendojnë të kundërtën, le të kujtojnë ndeshjen e tyre të fundit kundër nesh.
Pres që Reali të luajë me Iscon në mesfushë për të pasur më shumë kontrollin e topit dhe me BBC në sulm’’, deklaroi Simeone.
Për më shumë na mbetet të shohim ndeshjen pasditen e sotme. (E.K/SHUPLAKA)
