Sot takohen dy gratë më të pushtetshme të botës, May dhe Merkel diskutojnë Brexit-in

Ditën e sotme pritet të ketë një takim mes dy prej grave më të pushtetshme të Europës.

Kryeministrja britanike, Theresa May do të udhëtojë sot drejt Berlinit për t’u takuar me lideren gjermane, Angela Merkel, ndërsa në diskutimin mes tyre pritet të jetë çështja ‘’Brexit”.

Zyrtarët gjermanë kanë thënë se janë të pakënaqur me mungesën e qartësisë së Britanisë, duke ngritur pyetje se çfarë dëshiron ky vend pas ndarjes, dhe sesa të ngushta do të jenë marrëdhëniet e këtij vendi me BE-në, në fushën e mallrave dhe shërbimeve.

Më herët gjatë kësaj jave, Gjermania i ka bërë thirrje Britanisë të ofrojë plane më “konkrete”.

Po situate në momentet që flasim nuk është aq e qëndrueshme dhe në politikën gjermane, ku fokusi është krijimi i qeverisë së re.

Zyrtarët gjermanë kanë thënë se nuk pritet që Berlini të ndryshojë qëndrimin e tij për Brexit edhe pasi të formohet qeveria e re.

E ardhmja e euro-zonës dhe reformat qeveritare te propozura nga presidenti francez, Emmanuel Macron shihen si çështje me sfiduese për Gjermaninë në krahasim me Brexitin.

Pas Berlinit, May do të udhëtojë në Mynih në ditën e shtunë, pasi do të mbajë një fjalim për bashkëpunim në fushën e sigurisë në mes të Britanisë dhe BE-së, pas përfundimit të procesit të Brexitit.

(E.K/FAXWEB)