Ish-deputeti demokrat, Bardh Spahia ka publikuar videon e një cifti të moshuarish nga Vlora njëri prej të cilëve ndodhet rëndë në karantinim ndërsa nuk i është ofruar shërbim mjekësor.
E shoqja e të sëmurit shprehet se jetojnë në një hotel ndërsa mjeku që është praqitur pas insistimeve të shumta të saj ka thënë se ndodhemi në luftë.”
“Dje në darkë u sëmurë, mora resensionin, më tha nuk ka të drejtë mjeku të futet në dhomë, vjen tek dera mjeku më tha jemi në luftë. Më tha mer 127 kemi mbetur në listë për tu larguar, të mërkurën në mëngjes pas dy ditësh plasi gjaku. Vjen urgjenca pasi e mora për herë të dytë, e mbajtën një orë përjashta. Sot ka qenë sëmurë gjithë natën, një orë duke i rënë recepsionit nuk përgjigjen. Tamponin ia bënë dje në mëngjes, doli negative”, thotë qytetarja.
Nga ana e tij, Spahia shkruan:
TE KARANTINUARIT NUK MARRIN SHERBIM SHENDETESOR?
Mungesë e papërgjegjshme vëmendjeje ndaj personave të karantinuar! Neglizhencë skandaloze ndaj problemeve të tyre shëndetësore. Sic duket edhe nga denoncimi me video, zonja ka kërkuar ndihmë mjekësore për bashkëshortin e sëmurë dhe askush nuk i përgjigjet! Të karantinuarit nuk janë numra, por njerëz me nevoja, e që kanë të drejta kushtetuese! Më kryesorja, e drejta e kujdesit shëndetësor! I bëj thirrje ministres së shëndetësisë ta shohë me urgjencë këtë rast e të marrë masa që autoritetet shëndetësore t’u përgjigjen nevojave shëndetësore të personave të karantinuar në cdo ambient ku ndodhen!
(F.GJ/FAXWEB.AL)
