Barcelona dhe Real Madrid janë padyshim dy klubet më të mëdha në botë, pavarësisht rivalëve të tyre në Europë.
Në Premier Ligë, Mançester Junajtid, Arsenal dhe Liverpul dominojnë mbi Çelsin dhe Mançester Sitin.
Ndërkohë në Itali Juventus, Inter dhe Milan janë ndër më populloret në botë, ashtu siç Bajern Mynih dhe Dortmund në Gjermani apo dhe PSG në Francë, pa harruar Altletiko Madridin në La Liga, ku së fundmi ka fituar shumë përkrahës dhe në botë.
Për këtë, sajti prestigjoz anglez “Goal.com” ka ndërtuar një hartë të të gjithë botës, ku i jep mundësinë secilit të votojë ekipin e tij të zemrës. Nëpërmjet këtyre votave del në përfundim dhe fakti se cili ekip ka më shumë tifozë në mbarë globin-shkruan “Shuplaka”.
Në të dhënat paraprake, katalanasit e Enrikes dhe madrilenët e Zidanes kryesojnë në të gjitha kontinentet, pa harruar disa përqindje tifozësh marrin dhe Mançester Junajtid me Juventusin.
Mirëpo, ajo çfarë bie në sy është numri i tifozëve në Shqipëri. 10% janë ultras të “djajve të kuq”, 26% të Barcelonës, 16% të Juventus, 14% të Real Madrid dhe 34% mbështesin ekipe të tjera.
Interesante është fakti që votuesit nga Shqipëria janë nga Tirana, Shkodra dhe Berati.
Në kryeqendrën veriut, 50% janë përkrahës të Bajern Mynihut dhe 50% të Realit të Madridit. Në kryeqytet shumicën e votave e kanë marrë “Los Blancos” me 36%, ndërkohë “Zonja e vjetër” dhe Milan përkatësisht 18%, pjesa tjetër 27% e tyre parapëlqejnë ekipe të tjera si Junajtid, Çelsi,Inter e të tjerë.
Kosova mungon në hartën e votuesve, ndërkohë që fqinjët tanë Mali i Zi numëron më shumë tifozë të Milanit dhe Interit me nga 44% dhe 20%. Ashtu siç Mali i Zi edhe Maqedonia futet te grupi i tifozëve të Milanit dhe Interit së bashku me Serbinë. (M.E./ Shuplaka)
[ngg_images source=”galleries” container_ids=”428″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post