Suedia rrit moshën e pensionit

Suedia ka njoftuar se do të rrisë moshën më të hershme të daljes në pension nga 61 në 64 për të siguruar pensionet e ardhshme.
“Ne po reformojmë sistemin pensional suedez në mënyrë që të rritim pensionet dhe të rrisim sigurinë për pensionistët e sotëm dhe të ardhshëm,” tha në një deklaratë ministri i çështjeve sociale Annika Strandhäll dhe ministri i tregjeve financiare Per Bolund.
“Ndërsa jetojmë më gjatë, duhet të punojmë më shumë nëse pensionet do të vazhdojnë të rriten. Kjo marrëveshje është një hap i rëndësishëm drejt një jete më të gjatë pune dhe në këtë mënyrë pensionet më të larta dhe më shumë burime për shtetin social,”
Sipas mediave ndërkombëtare rritja e moshës së daljes në pension do të kryhet në faza, dhe do të përfundoj në vitin 2026.
Sipas sistemit aktual, njerëzit që punojnë në Suedi dalin ligjërisht në moshën 61 vjeçare, edhe pse për arsye financiare, shumica vendosin të punojnë më gjatë. Mosha mesatare e daljes në pension është 64.5 vjet, sipas statistikave zyrtare.
Me sistemin e reformuar, ata do të kenë të drejtë të punonjnë deri në moshën 69 vjeç, krahasuar me 67 vjeç sipas sistemit aktual.
Propozimi është paraqitur këtë të enjten u formua nga një grup ndërpartiak i qeverisë së koalicionit qeverisës të qendrës së majtë, si dhe katër partitë në opozitën e Aleancës së qendrës së djathtë.(M.Q/Faxweb)