Suedia ia ka bërë të vështirë Italisë kualifikimin për në kampionatin Botëror “Rusi 2018”. Edhe pse me rezultat të ngushtë suedezët kanë arritur një fitore mjaft të rëndësishme duke e mundur 1-0 në sfidën e parë Italinë, e vlefshme për fazën “play-off” për Kupën e Botës.
Golin e vetëm në këtë ndeshje e realizoi Jakob Johansson në minutën e 6-’të.
Ndeshja kthimit do të zhvillohet të hënën, ku Italia për t’u kualifikuar në Botëror, duhet të fitojë në shtëpi me dy gola diferencë.
Në fakt asgjë e pamundur për italianët pasi ata shpesh janë gjendur në këtë situatë dhe ia kanë dalë. Mbetet për t’u parë nëse do ta bëjnë sërish. Nëse Italia kualifikohet, për Buffon kjo do të jetë hera e 6-të që do të marrë pjesë në një Botëror. (B.H/Faxweb)
