Ministria e Punëve të Jashtme ka reagur në lidhje me sulmet terroriste të disa orëve më parë në Ankara të Turqisë. Një shpërthim i fuqishëm u dëgjua mëngjesin e sotëm në afërsi të parlamentit turk, ku do të mbahej seanca e parë plenare për sesionin e ri.
Dy policë mbetën të vrarë dhe 1 i plagosur. Gjithashtu agresorët u asgjësuan nga policia. Ende nuk dihet qartë se kush ishin motivet dhe autorët e ngjarjes.
Ministria e dënon këtë sulm duke shprehur solidaritet të plotë me Turqinë. Sakaq dënohet çdo formë e dhunës terroriste.
Postimi në X:
Shqipëria dënon ashpër sulmin terrorist në Ankara. Ne qëndrojmë në solidaritet të plotë me Turqinë dhe refuzojmë çdo formë të dhunës terroriste. Mendimet tona janë me të lënduarit, teksa i urojmë atyre shërim të shpejtë!
Discussion about this post