Kampionati shqiptar këtë vit është më i hapur se kurrë me disa skuadra që po luftojnë fort për tu shpaluur kampione. Skëndërbeu, Prartizani e Kukësi janë dukshëm në listën e favoritëve ndërkohë që një supersfidë pritet të luhet këtë javë ajo mes Tiranës dhe Skëndërbeut.
Tekniku i Tiranës Mirel Josa e pranon që Skënderbeu është favorit, por Tirana e tij nuk do të futet në fushë e dorëzuar në ndeshjen e nesërme. Trajneri bardheblu theu heshtjen disajavore dhe sot doli para mediave për të folur rreth takimit hapës të javës së 25-të të Kategorisë Superiore.
Kundërshtari
“Do të ndeshemi me kryesuesit e kampionatit dhe ata janë në një gjendje mjaft të mirë, pavarësisht barazimit me Teutën. Skënderbeu ka një organikë të pasur me lojtarë që mund të bëjnë diferencën edhe nga stoli, por ne duhet të shohim punën tonë sepse nuk jemi në një moment të mirë dhe dua që në fushën e lojës te tregohemi solidë.
Nga Skënderbeu jam shkëputur disa kohë më parë. E njoh atë skuadër, por kanë shkuar edhe lojtarë të rinj që kanë arritur të shprehen mirë. Në këtë aspekt Skënderbeu është favorit, pasi ne nuk kemi ndryshuar aspak”.
Objektivi
“Presidenti mendon që nuk e diskutojmë mbijetesën sepse e njeh mjaft mirë skuadrën që kemi në dispozicion dhe aftësitë e lojtarëve. Një rezultat pozitiv në këtë ndeshje do të na jepte shumë besim, por edhe unë mendoj se Tirana nuk e diskuton mbijetesën”.
Mungesa e Gent Muçës
“Mbrojtësi po mungon për shkak të një dëmtimi në shpinë dhe duhet ta zgjidhë përfundimisht këtë problem për të qenë njëqind për qind në dispozicion të ekipit”.
Discussion about this post