Deputetja e Partisë Demokratike, Jorida Tabaku, ka reaguar pas protestës së organizuar nga studentët para Ministrisë së Arsimit, të cilët i kanë drejtuar një sërë kërkesash ministres Lindita Nikolla, mes të cilave ajo e përgjysmimit të tarifës vjetore si dhe anulimi i VKM-së për tarifat shtesë.
Me anë të një postimi në rrjetet sociale ajo ka publikuar një video ku shfaqet ministrja Lindita Nikolla në vitin 2015 nga foltorja e Kuvendit ndërsa i bashkëngjit shkrimin:
“Në 21 Korrik 2015 në sallën e parlamentit ministrja Nikolla mbronte Ligjin e Arsimit të Lartë që është sot shkaktari kryesor për rritjen e tarifave. Ministrja dhe kryeministri Rama e dinin fare mirë që tarifat do të ngriheshin, që studentët nuk do të kishin mundësi të studionin në fakultete dhe universitete. Por e votuan me vetëdije atë ligj që sot ka ngritur në revoltë me të drejtë studentët. Katër vjet më parë në sallë opozita kundërshtoi me ccdo mënyrë Ligjin më të keq të Arsimit që mund të jetë votuar në këto 30 vite demokraci. Nga borxhi studentor, tek kreditë për studentët e deri tek tarifat e ngritura që u vendosën që në vitin 2014, të gjitha peshqeshe të qeverisë dhe kryeministrit. Fajtorët për këtë gjendje kuptohen lehtë kush janë.”
Video:
