Formulë e re për llogaritjen e taksës së re të pronës, mbi çmime e tregut ose siç quhen ndryshe çmimet fiskale. Fondi Monetar Ndërkombëtar i propozon qeverisë dy vlera taksimi.
Në raportin e Departamentit Fiskal të Fondit Monetar Ndërkombëtar, rekomandohet që taksa për pronën të vendoset në nivelin 0.075 për qind të çmimit të shtëpisë referuar tregut, ose niveli më i lartë 0.15 për qind.
Formula që rekomandon Fondi Monetar Ndërkombëtar përfshin llogaritjen e taksës mbi vlerën e apartamentit sipas tregut, por duke përfshirë edhe truallin mbi të cilin është ndërtuar pallati apo vila. Më shumë taksë do të paguajnë ata qytetarë që disponojnë shtëpi me sipërfaqe më të mëdha. Për tokën bujqësore FMN-ja propozon taksën 21 euro në vit, apo 1.1 për qind të të ardhurave minimale vjetore të fermerit.
“Llogaritjet e taksës do të bëhen mbi bazën e çmimeve fiskale, mbi të cilat apartamenti është regjistruar në hipotekë. Formula që rekomandohet gjeneron taksë më të lartë për apartamentet që kanë çmime fiskale më të larta krahasuar me një shtëpi në zonën periferike, ku çmimet fiskale janë më të ulëta.
Fondi Monetar Ndërkombëtar llogarit që për qytetarët që banojnë në apartamente taksa të jetë sa 2.6 për qind e të ardhurave minimale vjetore, kurse ata që banojnë në vila taksa që do të paguhet do të jetë sa 7.3 për qind e të ardhurave të tyre vjetore. Ndërkohë, përmes faturave të ujit do të arkëtohet taksa e re.
[ngg_images source=”galleries” display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
